Gino Del Giudice: "Mario Monde e le menìstre"

 

 

 

Una "caricatura" di Mario Monti "arraffa arrafa" !!

 

Una "pepata presa in giro" del presidente del consiglio Mario Monti, scritta da Gino Del Giudice, in occasione della "serata"  (teatro, gag, canzoni, poesie), organizzata dall'associazione marinai sezione di Statte. La divertentissima serata che si è avvalsa di numerosi artisti stattesi (tutti i gruppi di teatro cittadini, compreso quello di Pasquale Miccoli) nonché di numerosi altri artisti, ha avuto una presenza massiccia di pubblico che ha applaudito "a scena aperta" i vari momenti dello "spettacolo" .  La "poesia" che segue è stata recitata dallo stesso autore Gino Del Giudice.

All'ébbeche de Bérluscòne

ne sfuttéve n'u Tré-monde

n'ogna nogne scapucchijòne,

ma mò sté sule n'u Monde,

ca nzijeme a le cumbère,

assè mégghjie no me père.

Proféssore d'économije

tagghije e tasse le pénzijone,

e ca stèssa litanjie,

disce ijé triste 'a situazzijone.

Ma no bbéde a le riccune

ca ténene assé meglijune..

S'à scacchijète le menistre

tra banghijere e proféssure,

né de déstre nè de sinistre,

ca mafrune sò secure,

che n'a facce desturbéte,

ma addò cazze l'à scì cchijète?

Gnude, Barche, Melanése

che Riccarde,Giarde e Griffe

sénza portafoglie e spése,

so paijète che l'arriffe,

ma sò figghjie a stéssa chène

e sapene mené le mène.

Severine ijè ' migliardarije

e che Passere ca no scherze,

tutto l'ote miglijonarije;

sté Balduzzi Profume, Terze;

Clini e 'a racchije de Fornére

e Marije Cangellijére.

Eure a ijòse pigghjiene a 'u mése,

Catanije a l'gricolture,

e Di Paole a la defése

e Ornaghe a la culture.

So dicijòtte le “Menestrune”

ma puverijedde no ijé nescijune.

Vice sò n'ota trendine:

tutte sottoségrétarije,

e à ma 'rrevète 'a cenquandine;

tra 'ndénnetà e robba varie,

arrecognene a fine mése,

'u stepéndije de n'u lorde 'nglése.

Mo sté l' IMU e auménde l'IVE,
pure 'u pène, l'uogghije e 'u vine;

còste tutte, 'u sanghe vive,

l'Itaglije sté vé 'a ruvine.

L'eure, ijé vére, n'à ruvenète,

ma de cchijù ce n'à rrubbète.

“Sacrifci dobbiam fare”

se vogliamo andare avanti,

cè il rischio d'affondare,

è dovere di tutti quanti”,

ma pe Monde e cumbagnije

no vèle chésta poésije.

A dò eure sté 'a bénzine,

e sté auménde pure l'arije,

'a cepodde e 'u putresine,

'a funzijone murtuarije,

l'accque, 'u gasse, 'a frutte e 'a lusce,

perciò ngire sté 'u ruscija rusce.

Marije Monde l'accqua calle

à scupijerte, vijète a ijdde,

tasse e tagghjie a dalla dalle,

e n'àcchijème cchijù puverijedde.

Che Giavazze, Bonde e Amète,.

L'accque angòre cchijù s'à mbrugnète.

Solaménde 'u Padre Etérne

da 'u “default” ne pò salvè,

però Monde, e tutte 'u guvérne

da 'nnanze s'ònne a levé,

se nò accome disce Grille,

l'à ma candè 'u dies Ille”?

Che le técnece se n'ònne a scì

le De Pijetre ,Daléme e Fine;
le 'mbrugnune ònne a sparì,

cussì Bosse e l'ote latrine,

de Marone e Caldérone

'nzijeme a Silvije Bérluscone.

Monde, Passere e cumbagne

n'avite precepetète!

Ma à fenite mo 'a cuccagne,

e stème proprije arrabbijète.

Nu 'nvésce de l'élézzijone,

fascime 'a revoluzzijone.

Gino Del Giudice Statte maggio 2012